GLN auðkenni er notað til staðsetningar. Staðsetning getur verið sendandi, móttakandi, kaupandi, söluaðili, framleiðandi, greiðslustaðsetning, verslun eða innri deild fyrirtækis. Staðsetningar geta jafnframt verið lagalegar eða stafrænar.
Á Íslandi er GLN númer helst notað í tengslum við EDI samskiptastaðalinn og er því oft notað í bókhaldskerfum.
GLN númer gekk á árum áður undir heitinu „EAN kennitala“.
Viðskipti fela í sér aðkomu nokkurra fyrirtækja, svo sem birgja, viðskiptavina og dreifingarmiðstöðva. Auk þess geta nokkrar deildir í sama fyrirtækinu komið að málinu. Þess vegna þurfa viðskiptaaðilar að geta greint nákvæmlega staðsetningu vöru, hvort sem hún er stafræn - eða á vörubretti eða í hillu.
GLN er notað til rafrænna samskipta eða samvinnu á milli aðila í heilbrigðisgeiranum. Sem dæmi má nefna að flestöll Apótek á Íslandi eru með GLN auðkenni.
GLN getur þú notað til að auðkenna einkvæmt raunverulegar lagalegar eða stafrænar staðsetningar.
Dæmi um slíkar staðsetningar eru kaupandi, söluaðili, framleiðandi, greiðslustaðsetning eða verslun.
SMT-tollafgreiðsla stendur fyrir rafræna tollafgreiðslu, sem fer fram með skjalasendingum milli tölva, einnig nefnd EDI-tollafgreiðsla (Electronic Data Interchange).
Fyrirtæki sem vilja stunda SMT skeytasendingar við tollayfirvöld þurfa að fá GLN auðkenni.
Notaðu Mitt GS1 vefsvæðið til að spara þér tíma.
Gjaldskrá miðast við veltu fyrirtækja án virðisaukaskatts og annarra gjalda. Verð eru birt án virðisaukaskatts.
Sláðu inn kennitölu á Mitt GS1 til á fá nákvæman útreikning á verði fyrir þitt fyrirtæki.
GLN númer þarf að hafa til að notast við GTIN og GS1 Gagnalaug. Þessum þjónustum fylgir þá GLN númer að kostnaðarlausu.
GLN auðkenni má alls ekki nota í svokölluðum EAN-13 strikamerki sem eru notuð á stykkjavöru og eru skönnuð við búðarkassa. Til þess þarf að nota GTIN.
GLN auðkenni er hinsvegar hægt að nota í GS1-128 strikamerki sem oftast er notað á vörubretti. GLN númer er þannig hægt að setja í GS1-128 strikamerki til að gefa til kynna staðsetningu framleiðslu. GS1-128 strikamerkið getur fjöldan allan af öðrum upplýsingum svosem framleiðslu- og fyrningardagsetningu, vigt og eða lotunúmer.
GLN auðkenni samanstendur af 13 tölustöfum. GLN úthlutuð af GS1 Ísland byrja með tölustöfunum 5699.
„Tímasparnaðurinn einn og sér við árlegar birgðatökur stóð undir kostnaði við framkvæmdina“
Í Danmörku hefur danska neyðarlínan búið til snjallt kerfi sem heldur utan um birgðir, þvott og viðhald, allt á grunni EPC-staðla frá GS1.
Ef þú ert ekki enn með GS1 áskrift, ekki hafa áhyggjur. Það er alltaf hægt að hafa samband við sérfræðinga GS1 sem eru tilbúnir til að leiðbeina þér vel í gegnum ferlið.
Síminn er opinn alla virka daga frá kl. 09:00 til kl. 16:00.
511 3011
Eins getur þú sent okkur línu á info@gs1.is
